alAbnoudi  Poems

Abd al-Rahman al-Abnoudi

عبد الرحمن الأبنودى هو واحد من أهم الشعراء المصريين اللي بيكتبو شعر بالمصري اتولد الأبنودى فى أبنود فى محافظة قنا فى صعيد مصر،  كتير من شعره اتغنى من مغنيين مصريين كبار 

من اشعاره

عدى النهار

عدى النهار والمغربية جايه تتخفى ورا طهر الشجر 

وعلشان نتوة فى السكة شاليت من ليالينا القمر 

وبلدنا ع الترعة بتغسل شعرها جانا نهار مقدرش يدفع مهرها 

ياهل ترى الليل الحزين ابوالنجوم الدبلانين 

والليل يلف ورا السواقى زىمايلف الزمان وعلى الغم 

تحلم بلدنا بالسنابل والكيزان تحلم ببكرة واللى حيجييبة معاة 

تندة علية فى الضلمة وبتسمع نداة نصحى لة من قبل الاذان 

واحنا بلدنا ليل نهار بتحب موال النهار لمل يعدى فى الدروب ويغنى قدام كل دار

التوبة

أنا كل ما اقول التوبه يا بوي ترميني المقادير يا عين

وحشاني عيونه السودة يا بوي ومدوبني الحنين يا عين

أنا كل ما اقول التوبه يا بوي ترميني المقادير يا عين

وحشانى عيونه السودا يا بوي ومدوبني الحنين يا عين

متغرب والليالي يا بوي مش سايباني في حالي يا عين

والرمش اللي مجرحني يا بوي ضيعني وأنا كان مالي ياعين

يا رموش قتاله وجارحه يا بوي وعيون نيمانة وسارحة ياعين

أديكي عمري بحاله يا بوي وإديني إنتي الفرحة يا عين

بودعك

بودعك

بودعـك   قبل الوداع بسنين

يامليحة القول والفعال  يا طاهرة الشفتين

بمسك في ديل جلبيتك   وأبكى

رجليا رجل في جنتك  ورجل في شكى

بمسك فى ديل جلبيتك وأنوح

بحب لكن  لا فؤاد ولا روح

لما اليتيم يعانق المجروح   يقع القمر نصين

يا وادعه  يا طاهرة الشفتين

قطر الصباح قبل الصباح   جانى

ولما جانى الصبح قطر الصباح   كان صوته عدانى

كان صوته أبعد صورة في ودانى

قعدت اشرب ع الرصيف وانعى

تدوس رجول الناس علي دمعى

وطعم شفتيك مرار اليتم

ومن بعيد كانت بيوت الناس متكومه

تحت النخيل والصبر

وانا ع الرصيف الصخر وحداني

بدارى بأيدى عورتى وانعى

وتدوس رجول الناس على دمعى

وما المهوش بايدى

جوة الطعام طعمين  جوه الشراب شرابين

دلوقتى بوستك بوسه ولا اتنين دلوقتى انتى واحده ولا اتنين
 

كل الحاجات دلوقتى لها طعمين

وفى كل شيء شئ   كل شيء اتنين

ياعنكبوته

يا عنكبوتة

 كملى عشك لا حد حيزيحك ولا يهشك لمى مهاجرينك وثبتى دينك

اتمطعى وخدينا فى وشك بلاد بلا عزة ممكن تجيبى اجلها من هزة

بلا ضفة بلا غزة بالدم رشى اللى بماء رشك وكملى عشك

لمى مهاجرينك ولو ملايين

يا عنكبوتة

احنا مش فاضيين مدى الخيوط خيط خيط واكسى كل الحيط

نامى بأمان واتمطعى بفرشك من وشنا ما بنسمعوش وشك

لمى مهاجرينك وتعاليلى لا تهم تباريرى وتعاليلى

انا فى الخلا بنفخ شعاليلى اوزن قوافى وتفاعيلى

اغش نفسى وعمرى ما اغشك واحش روس اهلى ولا احشك

حتعيشى ابد الدهر حتوحديها انتى نهر ونهر

نشى اللى ما قدروش على نشك انا زى ما بعت السنين الخرس

ورضيت بربع الربع خمس الخمس مجانى حوهبلك عيون القدس

مين اللى سألك تتركى عرشك  طب دحنا خدامك

في النوم بنوحيلك باحلامك واحنا اللى بنحققها قدامك

اسف  سكوتى ربما دوشك فتربصى بينا ولا يهمك

دمنا فدى دمك وبعترينا واحنا بنلمك ولو تحاصرك الامم

ويكتفوكى بالتهم احنا سبيلك للخلاص فى الكون

لما تضيق   دايما بيطلع مننا مجنون يهتف يعيش صهيون

ونغش بعضينا ولا نغشك بالعكس بندلع وبنهشك

ناكل فى بعض فيتملى كرشك وقرشنا بثانية يصير قرشك

يا عنكبوتة

انتى وزعيقنا واصواتنا ودم احياءنا وامواتنا هدى عشوشنا

وكملى عشك لا حد حيزيحك ولا يهشك

 

Abd al-Rahman al-Abnoudi

يامنة

للمزيد من قصائد واشعار الشاعر الكبير عبد الرحمن الابنودى رجاء الضغط على رابط اليوتيوب

قصائد واشعار
محمود درويش
فاروق جويدة
هشام الجخ
كريم العراقى
Facebook
Twitter
LinkedIn
Scroll to Top