Alabnoudi Poems

Alabnoudi 2

عبد الرحمن الأبنودى هو واحد من أهم الشعراء المصريين اللي بيكتبو شعر بالمصري اتولد الأبنودى فى أبنود فى محافظة قنا فى صعيد مصر،  كتير من شعره اتغنى من مغنيين مصريين كبار 

من اشعاره

يامنة

والله

وشبت يا عبد الرحمان عجزت ياواد

مسرع ميتى وكيف عاد اللي يعجز فى بلاده غير اللى يعجز ضيف

هلكوك النسوان شفتك مره

فى التليفزيون ومره ورونى صــــورتك فى الجورنان

قلت كبر عبد الرحمان

امال أنا على كدهمت بقى لى ميت حول

والله خايفة يا ولدي القعدة تطول

مات الشيخ محمود وماتت فاطنة أب قنديل واتبـــاع كرم أبغبان

وأنا لسه حية وباين حاحيا كمان وكمان عشت كتير عشت لحد ما شفتك عجزت يا عبد الرحمان

وقالوا لي قال خلفت وانت عجوز خلفت ياخــــوى! وبنات؟

أمال كنت بتعمل ايه طيلة العمر اللى فات

دلوقت ما فقت وجايبهم دلوك تعمل بيهم ايه

على كل أهى ريحة من ريحتك ع الارض يونسوا بعض ماشى يا عبد الرحمان

أهو عشنا وطلنا منك بصة وشمة دلوك بس مافكرت فى يامنة وقلت يا عمة

حبيبى انت يا عبد الرحمان والله حبيبى وتتحب على قد ماسارقاك الغربة لكن ليك قلب مش زى ولاد الكلب اللى نسيونا زمان

حلوة مرتك وعويلاتك والاّ شبهنا سمّيتهم ايه قالوا لى أية ونور ماعارفش تجيب لك حتة واد

والاّ أقولك يعنى اللي جبناهم نفعونا فى الدنيا بإيه غيرش الإنسان مغرور

ولسه يامنة حاتعيش وحتلبس لما جايب لى قطيفة وكستور

كنت اديتهمنى فلوس اشترى للركبه دهان أباى ما مجلع قوى ياعبد الرحمان

طب ده أنا ليا ست سنين مزروعة ف ضهرالباب لا طلوا عليا أحبة ولا اغراب خليهم ينفعوا أعملهم أكفان

كرمش وشى فاكر يامنة وفاكر الوش أوعى تصدقها الدنيا غش ف غش

إذا جاك الموت يا وليدى موت على طول اللى اتخطفوا فضلوا أحباب صاحيين فى القلب كأن ماحدش غاب

واللى ماتوا حتة حتة ونشفواحيين حتى سلامو عليكم مش بتعدى من بره الأعتاب

أول ما يجيك الموت افتح أول ما ينادى عليك اجلح انت الكسبان أوعى تحسبها حساب

Alabnoudi 2

ياعنكبوته
بودعك
التوبة
عدى النهار

للمزيد من قصائد واشعار الشاعر الكبير عبد الرحمن الابنودى رجاء الضغط على رابط اليوتيوب

قصائد واشعار
محمود درويش
فاروق جويدة
هشام الجخ
كريم العراقى
Facebook
Twitter
LinkedIn
Scroll to Top