Hisham elgakh

Hisham elgakh 2

هشام  الجخ هو شاعر مصري معاصر له أكثر من ٥٥ قصيدة معظمهم بالعامية المصرية وجميع قصائده صوتية، أصدر ديوانه الأول بمسمى “الديوان الأول” عام ٢٠١٧

ومن اشعاره

Hisham elgakh 2

اللي زيك ملوش لا يحب ولا يتحب

الــلي زيك  مالوش لا يحب ولا يتحب تشوف المية تروى الناس و شغلانتك يدوبك صب 

تتفرج على الفتارين .. متلمسهاش و توزع شقاك على ناس .. متعرفهاش 

و متخيل بأن حبيبك الغالى خلاص حبك و تقضى ليالى مستنى ثمن تعبك 

و كل اللى اشترى منك أخد ببلاش فتتفرج على الفتارين .. متلمسهاش

تفهم ايه انت فى أصول العشق و العشاق ؟ العشق حافر فرس .. طالق جناح فى سباق 

مشوار خشن ميعديهوش غير فحل و الحلوة باصالك بس الطريق مش سهل 

يا تشمر الدراعات و تجيب حبيبتك غصب يا تطاطى راسك و تسيبها للخلاق

تفهم ايه انت فى أصول العشق و العشاق ؟ 

اللـي زيك  مالوش لا يحب ولا يتحب يعيش الدنيا عدل و كب رزع و دب رفع و قلب 

هتخلص مهما راح تخلص .. فى الاخر هتطلع كلب كل الناس هتبقى ملايكة .. و تشيل انت بس الذنب 

اللــي زيك  خلصوا قبل النور ما يطلع ما اتشافوش ما اتلونوش ما اتجملوش

وقفوا على السلم لا طالوا الصفحة بيضة ولا طالوا يختاروا اللى يرسمهم وشوش 

اللـــى زيك عاشوا على الهامش و الرتوش

يا سمرا فستانك عبى الهوى و كيّل ناصب طواحينى خاننى الهوى و ميّل 

طب قولى ناقصك ايه .. و جربى عزمى و الله ان دراعى فلت .. تتبرى منى أمى 

فاكرة زمان قولتلك .. الصبح هبقى ملك و ميتا ما وصلتلك .. كان النهار ليّل 

يا سمرا فستانك عبى الهوى و كيّل 

اللــــي زيك هما الكتير 

اللى بيشيلوا الملك في المهرجان مبيبانوش من كترهم وسط الزحام و الهيلمان 

وانت ماشي و فاكر الناس بتشاورلك والناس عنيها على الملك والصولجان  

اللــى زيك يترمي في الملاحات ينفجر تحت المحاجر 

يتجلد ويموت و يحفر في الرمال و الخديوي ييجي على الجاهز و يفتتح القنال 

اللـــــي زيك غششوا الناس الإجابة و هما سقطوا في الامتحان

الــلي زيك هو أراجوز الموالد و هو أضحوكة الزمان

عشان غني ومعاه فلوس

عشان غني ومعاه فلوسهملتنى وراحتله أبكي على نفسي ولاع المسكين اللي راحتلُه 

ولأني راجل مليونير، والخير كتير 

عليت عيوني ع البكا وقلت أسيبهالُه زكا ودفنت إيدي في السويتر 

وابتديت أشوط الطوب وأغنيكنا نتلاقى من عشية نقعد على الجسر العتيق 

كوبري الزمالك زي ما هوّ البنات همّ البنات والولاد همّ الولاد 

والدرابزين الحزين لساه رزينْ والكلاكسات اللي سارحة في الوِدانْ 

واللي بيوشوشها في عيونِك غُموض واللي بيوشوشها في عيونِك أمان 

بس المكان هو المكان خمسين سنة والكوبري مصلوب ع الطريق 

لا أنا كنت أول مين يحب ولا يوم هاكون آخر عشيق 

وآدي البنات ألوفات مترصصين ع الكوبري 

يعني إنتي أجمل واحدة فيهم؟ ده إنتي لو كشيتي فيهم.. تفزعيهم 

صدقيني صبغة الكدب اللي نزلت من ملامحك غيرت شكلك نهائي 

شوشت صورتك في قلبي بقيت ملامحك فاستخبيت جوه دائي جوّه أبيات القصيدة 

باختصار  المكان هو المكان والبنات همّ البنات فيه اللي فازوا بالنهار 

وفيه اللي تاهوا فى البعاد وإنتي واحدة م اللي تاهوا أما أنا.. زي ما أنا

  وكوبري الزمالك زي ما هوّ بعيد عنك حياتي عذاب ماتبعدنيش بعيد عنك 

ماليش غير الدموع (أم كلثوم) الشقية ضحكت عليَّ سهرتني الليل بطوله 

أكتب الشعر اللي نفسك تسمعيه وأنا لاجل خاطرك مش هاقوله 

وإن كان حبيبك شاعر كتبيه وابعتيلي قصايده أول بأول آه يا زمن يا أحولْ 

بقى أبقى حبيتك وبقيتك عن الدنيا وما فيها واصطفيتك سبتلك وردة فؤادي تقطفيها 

كنت فاكرك هتراعيها وتداريها بين ضلوعك وإن ما كفتهاش دموعك 

من دماكي تضيفيها كنت فاكرك يوم ما أقول الآه هاتخدي مني الآهة تخففيها 

ولا كنت يوم يخطر عليَّ  إني لو مديت إيديّا ليكي ممكن تكسفيها 

يا أم كلثوم الغرام محتاج حموم  قبل ما تغني لقلوب الناس  تعالي نضفيها

سكرانه
حظك كدا
ايوا بغير
القناة الرسمية على اليوتيوب
قصائد واشعار
محمود درويش
فاروق جويدة
عبد الرحمن الابنودى
كريم العراقى
Facebook
Twitter
LinkedIn
Scroll to Top