Hisham elgakh

Hisham elgakh

هشام  الجخ هو شاعر مصري معاصر له أكثر من ٥٥ قصيدة معظمهم بالعامية المصرية وجميع قصائده صوتية، أصدر ديوانه الأول بمسمى “الديوان الأول” عام ٢٠١٧

ومن اشعاره

Hisham elgakh

حظك كده

حظـك كده

 مكتوب عليكى تحبى واحد قلبه صدى

 لا الفرحه تقدر تنعشه 

ولا حزن يقدر يرعشه ولا نكته حتى تفرفشه ولا حتى خضه 

مع ان قلبك من دهب مكتوب عليكى تحبى واحد قلبه فضه

حـظك كده

 كل البنات اللى فى حياتى قبلك أستنونى نمت و غدروا بيا  

عدى جوابات الغرام اللى فى دولابى شوفى كام مره اتغابيت و فتحت بابى

مره بيضه و مره سمره 

دى طويله و دى تخينه

و فى العجوزه و فى الصبيه وفى النهايه الكل بردك غدروا بيا أحتمال العجز فيا 

المهم انى خلاص ما بقتش قادر أحب تانى 

جسمى نحس من الحريم ومن السهر و الانتظار و من الاغانى 

انـتى أجمل واحده حبتنى فى حياتى رقه الكلمه فى شفايفك الخيال اللى محاوطنى 

و محاصرنى و انتى غايبه كأنى شايفك العيون المعجزات اللى بخاف أرفع عينيه 

يغضب المولى عليه و الله ما أنا عارفلى خوف أنا ببقى خايف ربى ولا ببقى خايفك 

إنتـى بكر كل حاجه فيكى بكر 

الشوارع و المدرج و الأمانى جوه منك لسه بكر 

أما أنا جيش مالحريم استهلكونى يا ما رقدوا وياما سكنوا وياما ما لعبوا 

فيه إيجار و فيه اللى ملك و فيه خدتنى وضع يد 

صبحت حكر و انتى بكر طب هاينفع ؟ 

عارف أنها مش خطيئتك  

إنى عيشتى معربدة بس اعمل ايه

حظــك كده

أيوة بغير

أيـوه بغير  من قال إن الغيرة حرام ؟ 

الغيرة دى إحساس وهيام حاجة متتغناش في كلام ومفيش عاشق مش بيغير 

أيــوه بغير  زى النخل ما علا جريده 

زي العقد ما زين جيده زي ولد ماسك على إيده لا الطيارة بتاعته تطير

أيـــوه بغير  لا انا نقصان ولا ضعفان  ولا مسطول ولا سكران

  ولا زايغ من عيني الضيّ ولا حد احسن منى فى شيّ بس بغير

واللى قالولك غيرة الراجل قلة ثقة او قلة فهم خلق حمير

غيرة الراجل نار في مراجل نار بتنور مابتحرقش واحنا صعايدة بنستحملش 

شمسنا حامية وعرقنا حامى وطبعنا حامى واللى تخلى صعيدى يحبها يبقى يا غلبها

اصلنا ناس على قد الطيبة كلنا هيبة والنسوان في بلادنا جواهر

طب لو عندك حتة ماس حتخليها مداس للناس؟ ولا حتقفلى اوضة عليها بميت ترباس

  يمكن حتى تأجرى ليها جوزين حراس

يبقى انا لا انا جاهل ولا غافل كل الفرق ما بينى وبينك انى صعيدى 

ينعل ابو ده اليوم الاكحل اللي لا ليه اخر ولا أول اللي طلعت لقيتني صعيدى 

لو كان بايدى كنت اعملك هندى بريش واقلب شعرى كنيش كرابيش

والبس لك سلسلة متدلدلة خرزة وقلب بس ازاى البس لك سلسلة ؟ هو انا كلب ؟ 

ثم العبرة ماهيش في اللبس أصل المشكلة مش فى اللبس 

أصل المشكلة عندك 

عندك قلت حاسيبها وبكرة تحس بعده تحس  بعده تحس ده انا لو جبس كنت زعقت

ماشي صداقة وماشى زمالة بس ماجَتْش على الرجالة ماهى نسوان الدنيا كتير 

وانا ما بقولش تخاصمى الناس ولا تتحجبى عن الرجالة ولا تعتكفى وتسكني دير 

بس يا ريت حبة تقدير اني بحبك وانى بريدك وانى زرعت حياتى في ايدك 

وانى غزلت بنات الدنيا عقود على جيدك وانى تعبت من التفكير 

وانى بغير

 

Hisham elgakh

سكرانه
علشان غنى ومعاه فلوس
اللى زيك لا يحب ولايتحب
القناة الرسمية على اليوتيوب
قصائد واشعار
محمود درويش
فاروق جويدة
عبد الرحمن الابنودى
كريم العراقى
Facebook
Twitter
LinkedIn
Scroll to Top